1 маусым — балаларды қорғау күніне орай Шымкент қаласы «Жастар ресурстық орталығы» КММ-нің ұйымдастыруымен «Балалық шақ – бақытты аспан астында» атты қайырымдылық концерті өткізілді.
Концерт қоғамдағы ерекше балалардың және олардың ата-анасының көңіл-күйін көтеру және дарынды бүлдіршіндерді көпшілікке таныту мақсатында ұйымдастырылып отыр.
Оған қаладағы «Жігер» қоғамдық бірлестігінің және №7 балалар оңалту орталығының бүлдіршіндері қонақ болды. Демеуші «Қайда кетпеген 1000 тг» қайырымдылық акциясының негізін қалаушы блогер Айгүл Кеңесқызының көмегімен өткен қайырымдылық шара барысында 180 балаға тамақ таратылып, ойыншықтар мен сыйлықтар тарту етілді. Сонымен қатар сахнада концерттік шара ұйымдастырылып мерекелік көңіл-күй сыйлады.
