Аталған Конференцияға ҚМДБ Төрағасы, Бас мүфтиі, Дін істері басқармасы, ҚМДБ Ғұламалар кеңесінің мүшелері, имамдар, зиялы қауым өкілдері, ардагерлер кеңесінің мүшелері, жоғары және орта оқу орындарының студенттері, мектептердің мұғалімдері және басқа қонақтар қатысты.
Конференцияның мақсаты – ата-баба ұстанған Имам Ағзам Мазһабы, Арыстан баб ғұмыры, дұрыс сопылық мектеп және дін мен дәстүрімізді және киелі орындарға зиярат, отандық туризмді насихаттау, жастарды деструктивті діни идеологиялардың ықпалынан сақтау, оның алдын-алу, т.б.тақырыптарын талқылау.
Кездесуді Шымкент қаласы дін істер басқармасының басшысы — Тұяқбаев Әлжан Әлішерұлы ашып берді.
Конференция барысында Қазақстан Республикасы Қазақстан мұсылмандары діни басқармасының төрағасы, бас мүфтиі — Наурызбай қажы Тағанұлы және бірқатар республикалық маңызы бар университеттерінің оқытушылары мен профессорлардың баяндамалары тыңдалды. (К. Досай, Ш. Керім, Т. Қыдыр, М. Паттев және т.б.)
Конференция соңында жұмыстың қорытындысы анықталып, ары-қарай насихаттау, түрлі деңгейдегі кездесулер өткізу, арнайы еңбектер әзірлеу жұмысында пайдалану тәртібі шешілді.