Павлодар: Төртінші қариды таныстырды

0
550

Павлодар облысының бас имамы Жолдас Қоспақұлы «Мәшһүр Жүсіп» қарилар даярлау орталығынан шыққан төртінші қариды таныстырды.

Облыстық «Мәшһүр Жүсіп» мешітінде Али Абдисаматов қариға бас имам алғыс хат табыстап, батасын берді. 2020-2021 оқу жылы барысында Алланың кәламы болған қасиетті Құран Кәрімнің 114 сүресін бастан-аяқ толығымен жаттап қари болғанын жамағатқа сүйіншілеп, мешіт жамағаты мен демеушілері атынан қаржылай сый-сияпат тапсырды.

Бүгінгі таңда «Мәшһүр Жүсіп» қарилар даярлау орталығында он шақты шәкірт білім алуда. Орталықтың бағытына сәйкес Құран тәпсірі, тәжуид, ақида, хадис секілді пәндер оқытылады.