ҚМДБ Шымкент қалалық өкілдігінің ұйымдастыруымен «Дархан дала» жобасын қолдау және отандық туризмді дамытуға байланысты кеңейтілген мәжіліс өтті.
Мәжілісті Шымкент қаласының бас имамы Бақдаулет Абдрахманов ашып, жүргізді. Бас имам «Дархан дала» жобасы мен отандық туризмді дамыту, насихаттау жайында нақты тапсырмалар берді. Сондай-ақ мәжіліс барысында ҚМДБ-ның «Дархан дала» отандық туризм бағытының жетекші болып бас имамның орынбасары Мұхамеджан Естеміров бекітілді.
Ол арнайы алдағы атқаратын жоспарын таныстырды. «Шымкент қаласында Ибраһим ата, Қарашаш ана, Қошқар ата, Мұхаммед Дәруиш ата сынды 21 әулиенің кесенесі мен 36 мұсылман зираты орналасқан. Жергілікті әкімдікпен бірлесе отырып, отандық туризм саласын дамыту үшін қасиетті жерлер мен киелі орындар, зират-мазарлар мен кесенелерге жауапты адамдардың рухани һәм діни, тарихи біліктілігін арттыру қажет» деді наиб имам.
