Ақтау қаласында дүниеге келдім. Аталмыш қалада 1998 жылы алғаш мектепке қабылдандым, 2007 жылы мектепті жақсы бағамен бітірдім. Спорт мектептеріне барып үш жыл арасында спортпен шұғылданым. 2010 жылы Оңтүстік Қазақстан облысы Сарыағаш ауданында «2020» шекара әскери бөлімінде шекарашы болып отандық борышымды өтедім. Балалық шақ ата-әжемнің тәрбиесінде болды. Мен қазақтың салт-дәстүрі мен әдет-ғұрыптарын бойыма сіңіре алдым. Имандылыққа бет бұру мақсатында 2015 жылы әлеуметтік желілерден Дарын Мубаров, Ерсін Әміре, Арман Қуаншбаевтардың уағыздарын тыңдай бастадым. Мешіттерге жұма намаздарға барып тұратын едім. 2016 жылы нәпсінің азғыруымен қарақшылықпен сотты болдым. Кейіннен интернет желілерінен сәләфилік уағызшылардың уағызын тыңдап сақал өсіріп, келте балақпен жүрдім, намазымды сәләфилік көзқараспен орындап жүрдім. Сол кездері ауыл арасында орындалатын 7 күндік, 40 күндік астарды сүннетке сай емес деп орындамай кейбір тарих, мәдениетті, салт-дәстүрді шариғатқа сай емес деп жүрдім. Әлеуметтік желілерден рұқсат етілмеген материалдарды пайдаланғаным үшін ҚР ҚК 256. 1 бабы қылмыстық жауапкершілікке 2019 жылы тартылдым. Алғаш Маңғыстау облысы түзеу мекемесінде өтедім, 2021 жылы Түркістан облысы №55 (ИЧ 167/9) мекемесіне этаппен келдім. Бұл мекемеде басшылығы мен тәрбие бөлім қызметкерлері дұрыс мәміледе болды.
Мекемеде дін саласы бойынша жергілікті мекемелерден имам-теологтар жұмыс жасайды екен. Алғаш олардың діни ақпараттарына немқұрайлылық таныттым. Имам-теологтарға деген күдігім болды. Олар дінді бұрмалап, ақиқатты айтпайды деп жүрдім. Теологтардың діни танымдық оңалту жұмыстарынан кейін оларға деген көзқарасым өзгерді. Сұқбатта қамтылған тақырыптар мәзһаб ілімі, дін мен салт-дәстүрдің сабақтастығы, ақида ілімі, зайырлылық таным. Сұқбаттардан кейін псевдосәләфилік жолын дұрыс деп сауатсыздықпен ұстанғаным белгілі болды. Діни танымдық бұрыс түсініктеріме Құран аяттары негізінде толық дәлелдермен ақпарат алдым. Кереғар діни көзқарастарымнан бас тартып дәстүрлі исламға бет бұрдым. Қазіргі таңда түзелу жолына нық түсдім.
Құрметті ағайын-бауырлар дін деп анық қанығына жетпей көрінген шейхтарға еліктеудің салдары ата-анаңның көз жасына қалып, абақтыдан бір ақ шықпасыңа кім кепіл? егеменді еліміздің салт-дәстүрі жарасқан қазақ елінен артық ел болмас, біреуге пайдаң тимесе де, зияның тимесін дегім келеді.
