XX ғасырдың арпалыс заманында қазақ әдебиетінің ашық аспанында жарк етіп көрініп, жалт етіп ұшып түскен жарық жұлдыздарының бірі Сұлтанмахмұт Торайғыровтың 130 жылдығына арналған «Қараңғы қазақ көгіне өрмелеп шығып күн болам» атты алты алаштың басын қосқан ұлан-асыр той Баянауыл ауданының Торайғыр ауылында өтті. Аталмыш мерекеге қатысқан Павлодар облысының бас имамы Жолдас қажы Қоспақұлы облыс басшылары, зиялы қауым өкілдерімен бірге алдымен ұлы ақынның кесенесінде болып, оның рухына арнап аударған Құранды хатым етті. Бас имам Жолдас Қоспақұлы ақын кесенесінде зиярат етуші жамағаттың алдында сөйлеген сөзінде: «Сұлтанмахмұт Торайғыров – туған халқының көрікті келешегі үшін сырлы сөзімен де, баянды ісімен де барынша күрескен, «елім» деп еңіреп өткен Алаштың ардагер ақыны. Ақынның соңында қалдырған ұлан-ғайыр әдеби мұрасы, күрмеуі қиын қысталаң заманда небәрі жиырма жеті-ақ жыл ғұмыр кешкен ақынның шығармаларындағы ұлтжандылық рухтың күштілігі, ұлтының бақытты болашағы жолындағы қайтпас күрескерлігі, азаматтық арының биіктігі, дарынының дархандығы бүгінгі жастардың тәрбиесіне теңдессіз үлгі болады», – деді. Келесі кезекте Торайғыр аулының өлкетану мұражайы жанында орналасқан С.Торайғыров ескерткішіне құрмет көрсету, ақынның жаңадан шыққан еңбектерінің тұсаукесер рәсімі, қолөнер туындыларының көрмелері, аламан ат бәйгесі қатарлы арнайы ұйымдастырылған мәдени шараларға қатысып қайтты.
Соңғы жазбалар
ЖОЛАУШЫҒА ҚҰРБАН ШАЛУ МІНДЕТТІ МЕ?
90 шақырымнан астам жерге сапарға шыққан адамға құрбандық шалуы міндетті емес. Бірақ нәпіл ретінде құрбандық шалса, сауапқа кенеледі.
Алайда...
Сексеуілде жаңа мешіт ашылды
Қызылорда облысының Сексеуіл кентінде «Тілеуқұл ишан» мешітінің жаңа ғимараты пайдалануға берілді.
Жаңа нысанның ашылу салтанатына генерал-майор Мұхаммеджан...
МӘСЛИХАТ ХАТШЫСЫ АРДАГЕРДІ МЕРЕКЕМЕН ҚҰТТЫҚТАДЫ
Шымкент қаласы мәслихатының хатшысы Бахадыр Нарымбетов және мәслихат депутаттары Ұлы Отан соғысының ардагері Мұратәлі Төлепбергенұлының шаңырағына арнайы барып, Жеңіс күнімен құттықтады....
«Жақып Ақбай» мешітінің жөндеу жұмыстары аяқталуға жақын
Қарағанды облысының бас имамы Естай Айтуғанұлы Теміртау қаласына барған сапарында «Жақып Ақбай» атындағы қалалық мешіттің жөндеу жұмыстарымен танысты.
Қазіргі...
Мемлекет басшысы Бекет ата мешітіне барды | Қазақстандағы Ислам
Президент Маңғыстау облысына жұмыс сапары барысында Бекет ата жерасты мешітіне зиярат етті. Қасым-Жомарт Тоқаев тарихи орында жергілікті ақсақалдармен әңгімелесіп, елдік мәселелерді талқылады....