Орталық коммуникациялар қызметінде өткен брифингте Түркістан облысының әкімі Дархан Сатыбалды Қожа Ахмет Ясауи кесенесіне лаңкестік әрекет жасау әрекетінің алдын алғаннан кейін үкіметке тарихи орынға стратегиялық мәртебе беруді сұрап хат жолдағанын айтты, деп хабарлайды Zakon.kz. Аймақ басшысы кесене аумағында теракт қайталанбасына ешкім кепілдік бере алмайтынын айтты. Осыған орай, бұл жерді ерекше күзетпен қамтамасыз ету мақсатында әкімдік үкіметке Қожа Ахмет Яссауи кесенесін стратегиялық маңызы бар кесенелердің қатарына қосуды сұрап, хат жолдады. “Оқиға (теракт жасау әрекеті – ред. ескерт.) ақпан айында болды. Мен өзім БАҚ-тағы ақпараттың арқасында білдім. Менің мәліметім бойынша, мұндай әрекетті Тәжікстан азаматы, шет елдің азаматы жасамақ болған көрінеді. Ол басқа ағымның жақтаушысы болуы мүмкін. Неге мұндай әрекетке барғанын білмеймін, айта алмаймын. Біз үкіметке кесенені стратегиялық нысандар тізіміне қосуды сұрап хат жолдадық. Тізімге енгізілгеннен кейін арнайы күзетпен қамтамасыз етіліп, қауіпсіздік шаралары жүргізіледі”.Дархан Сатыбалды Биылғы қыркүйекте ШЫҰ АТҚ Кеңесінің 40-отырысында ҚР Ұлттық қауіпсіздік комитеті төрағасының орынбасары Руслан Сейсембаев Қазақстанда екі лаңкестік әрекеттің алдын алғанын айтты: Түркістандағы Қожа Ахмет Ясауи кесенесін бұзу және Астанадағы қарулы шабуыл.
