Қазақстан мұсылмандары діни басқармасының төрағасы, Бас мүфти Наурызбай қажы Тағанұлы ұлық мереке Құрбан айтта әлеуметтік аз қамтылған отбасылар тұрып жатқан жатақханаға арнайы барды.
Ең алдымен балаларды қуантып, Құрбан айттың қоржынын табыстап, балаларға ізгі тілегін жеткізді. Мерекелік көңіл-күй барысында балалар да шат-шадыман болды. Бас мүфти осында тұрып жатқан екі баласы бірдей ауруға шалдыққан ананың шаңырағында болып, ахуалымен танысты. Жалғыз басты анаға айттық сыйлығын табыстады.
Сондай-ақ осындағы тұрмысы төмен бірнеше отбасыға дайындылған азық-түлік, құрбандық етімен көмек көрсетілді.