Көкшетау қаласындағы Жақия қажы атындағы мешіттің тарихы тереңде. Бүгінде бір ғасырдан асқан ескі мешіт жанында жаңа құлшылық ошағы бой көтерді. Ал, мешіт жанынан медресе салынып жатқанына да көп бола қойған жоқ. Қазір екі қабаты қаланды.
Ақмола облысының бас имамы Қуаныш қажы Сәбит осы медресе құрылысын аралап көрді. Өзінің ақыл-кеңесін айтты. Жас ұрпаққа имани тәрбие беретін білім ордасы заманауи талаптармен салынуы керектігіне баса назар аударды.
