Ақтөбе облысы Шалқар ауданының Мөңке би ауылында «Мөңке би» мешіті ашылды.
Игі іс-шараға Ақтөбе облысының бас имамы Серікжан Еншібайұлы, «Ақтөбе» медресе-колледжінің директоры, РАНТ мүшесі Әбдімүтәлі Қайназарұлы және Шалқар ауданының әкімі Жанболат Жидеханов, дін қайраткерлері мен зиялы қауым өкілдері және жергілікті тұрғындар қатысты. Құлшылық ордасының ашылу рәсімінде облыстың бас имамы: «Аллаға шүкір, облысымызда мешіттеріміздің қатары көбейіп келеді. Мешіт – мейірімділік мекені, руханияттың ортасы. Қоғамды ізгілікке шақырып, ибалы болуға үйрететін мектеп. Осы мешіттің бой көтеруіне атсалысқан, ұйытқы болған азаматтарға Алла разы болсын! Кәсіптеріне береке, отбасыларына амандық тілеймін»- дей келе, осы мешітті бастап, оны халықтың игілігіне берген Сәрсеновтар әулетіне ризашылығын білдіріп, алғыс хатпен марапаттады.
Шара барысында Шалқар ауданының әкімі Жанболат Жидеханов құттықтау сөз сөйлеп, мешіт – білімнің, тәрбиенің киелі ордасы екенін айтты. Сондай-ақ филология ғылымдарының докторы, профессор Жұма-Назар Асанов Мөңке би туралы сыр шертіп, Базарбай Сәрсеновтың өмірімен еңбек жолына тоқталды.
Айта кетейік,бұл мешіт ауылдың құрметті азаматы Базарбай Сәрсеновтың аманаты бой
