Астана қаласындағы «Әр-Рахман» мешітінде ерекше қуанышты оқиға болды. Ашылғалы бері осы құлшылық ордасының қарауылы болып қызмет атқарып келген Ақылбекұлы Ермаханға мешіт жамағаты жиналып ұмра, яғни кіші қажылық жолдамасын сыйлады.
Қуанышты шараға қала бас имамы Ерболат Жүсіпов өзі қатысып, Ермаханға қажылық сертификатын табыстады. Осындай ізгі істерге ұйытқы болған мешіт бас имамына, жамағатқа айрықша алғысын білдірді.
Шаһар бас имамы қуанышты оқиғаға орай жайылған дастархан басында жамағатқа насихат айтып, бірлік бар жерде береке барын жеткізді.