Қазақстан мұсылмандары діни басқармасының бастамасымен жыл сайынғы үрдіс бойынша Жамбыл облысының барлық аудандарында зираттарға тазалық жұмыстары жасалған болатын.
Аталған игі істің қорытындысы ретінде Тараз қаласындағы бірнеше қабірстанда жұмыстар жүргізіліп, зират басы қоқыстан, артық шөптерден толықтай тазартылды.
Шараға Тараз шаһарының имамдары бастаған жамағат, шәкірттер атсалысып, жұмыла іс қылды. Тазалық шарасынан соң марқұмдарға Құран оқылып, сауабы бағышталды.