Бүгін, ҚМДБ-ның Діни білім және кадр даярлау бөлімінің меңгерушісі, дінтанушы-ғалым Смайыл Сейтбеков Түркістан облысы «Адами әлеуетті дамыту басқармасы» «Шымкент» медресе-колледжінің бітіруші шәкірттерімен кездесті.
ҚМДБ-ның Діни білім және кадр даярлау бөлімінің меңгерушісі, дінтанушы-ғалым Смайыл Сүйерқұлұлы Сейтбеков пен бірге «Шымкент» медресе-колледжінің директоры Талғат Әсембай, дінтанушы-магистр Мұхамеджан Естеміров пен медресе шәкірттері қатысты. Кездесу аясында Талғат Әсембай атқарылып жатқан жұмыстары туралы қысқаша есебін баян етті.
Айта кетсек, бөлім меңгерушісі Смайыл Сүйерқұлұлы «Шымкент» медресе-колледжінің басшылық құрамына бірқатар тапсырмалар беріп, бітіруші шәкірттеріне алдымен имамдық қызметтік ауылдық мешіттен бастау туралы жан-жақты түсіндіріп, шара соңында шәкірттерге сәттілік тіледі.
ҚМДБ-ның «Шымкент» медресе-колледжінің баспасөз қызметі
