Қазақстан мұсылмандары діни басқармасының төрағасы Наурызбай қажы Тағанұлы қызметтік міндетін атқару кезінде ауыр жарақат алып, ауруханада қайтыс болған Астана қаласы Төтенше жағдайлар департаменті өрт сөндіру және авариялық-құтқару жұмыстары қызметі жедел кезекшісінің көмекшісі Асқар Серікұлының қазасына байланысты марқұмның отбасы мен туыстарына көңіл айтты. «Алла Тағала Қасиетті Құранның «Мәида» сүресінің 32-аятында: «…Кім оны тірілтсе (өлімнен құтқарса), барлық адамды тірілткенмен тең деп жаздық…» делінген. Асқар Серікұлы өз ісіне адалдық танытып, өзгелерді өлімнен құтқарып, нағыз ерлікпен қаза тапты. Алла Тағала марқұмды мейіріміне бөлеп, жәннатын нәсіп етсін» делінген Бас мүфтидің көңіл айту жеделхатында. Айта кетсек, Асқар Серікұлы Астанадағы көпқабатты үйде болған өрт кезінде оқиға орнына шұғыл жетіп, бірнеше адамның өмірін сақтап қалған еді.
© ummet.kz Толығырақ: https://ummet.kz/news-kz/17265-kmdb-toragasy-ort-sondirushi-askar-serikulynyn-otbasyna-konil-ajtty-foto.html
Материал ummet.kz сайтынан алынған. Көшіріп басылған немесе цитата алынған жағдайда гиперсілтеме беру міндетті.
