«Ислам және ізгі қоғам» жылы аясында ШҚО Риддер қалалық «Қонаев» мешітінің ұйтқы болуымен қала бойынша жамағат арасында садақ ату сайысы өтті.
Сайысқа Риддер қаласының тұрғындары қатысып, мергендіктен сынға түсті. Тартысты өткен сайысты ұымдастырушы ұстаз Бекзат Құсанбаев: «Мергендік және садақ ату ежелден қазақтың ұлттық спорты десек артық емес. Бұл шара салауатты өмір салтын сақтау, мешіт жамағатының ынтымағын арттыру, оларды басқаларға үлгі ету, асыл дініміздегі татулықты насихаттауға бағытталып отыр» деп атап өтті.
Айта кетейік, сайысқа қатысқан мергендер ортасынан озып шыққандар жүлделі орындарға ие болды.
