Назарларыңызға ҚМДБ Төрағасы, Бас мүфти Наурызбай қажы Тағанұлының республикалық «Egemen Qazaqstan» газетіне берген сұхбатын ұсынып отырмыз. Сұхбаттасқан – белгілі қаламгер, «Қазақ газеттері» ЖШС бас директоры Дихан Қамзабекұлы.
– Ассалаумағалейкум, қадірлі Наурызбай қажы Тағанұлы! Уақыт тауып, сұхбат беруге келіскеніңізге рахмет. Ең әуелгі сауалымызды қоғамның рухани келбетінен бастасақ. Жыл басында «Egemen Qazaqstan» газетіне берген сұхбатында Мемлекет басшысы ұлттың сапасы мен саламаттылығына айрықша көңіл бөлді. Осы бағдарда қоғамның рухани сеніміне және түрлі сын-қатерге қатысты бүгінгі өзекті мәселелер туралы білгіміз келеді.