«Әбу Ханифа» медресе-колледжінің бітіруші түлектері диплом алды. Түлектерге диплом табыстау рәсіміне Алматы қаласының бас имамы Төлеби Оспан мен «Әбу Ханифа» медресе-колледжінің директоры Құлмұхаммед Маханбет қатысты.
Алматы қаласының бас имамы Төлеби Оспан ҚМДБ Төрағасы, Бас мүфти Наурызбай қажы Тағанұлының бітіруші түлектерге сәлемін жеткізіп, шәкірттердің басып жатқан жаңа қадамдарына сәттілік тіледі және дін жолында аянбай еңбек етуге шақырып, ақ батасын берді.
«Әбу Ханифа» медресе-колледжін биылғы 2022-2023 оқу жылында 29 шәкірт диплом алды. Оның ішінде 5 бітіруші түлекке үздік қызыл диплом
табысталды. ҚМДБ келісім-шартының негізінде 1 түлек Түркияның Хасеки академиясына қабылданды. Ал білімін жалғастыруды көздеген 8 шәкірт Нұр-Мүбарак Египет Ислам университетіне оқуға тапсырушы талапкерлер қатарында. Ал қалған бітіруші түлектер діни қызметке жолдама алды.
